sina tawa tenpo kulupu la sina o awen lon nasin pona.
o pona tawa ijo ale lon tenpo kulupu #
o ante ala tawa ijo ante tan kule, tan nasin, tan kulupu, tan pilin, tan mama, tan mani, tan ijo ante ale. o kepeken nimi wile tawa ijo kulupu ale. mi kepeken tomo awen kulupu anu tomo tawa kulupu la o pona e tomo ni lon pini.
o pakala ala e ijo ante lon kulupu #
jan ale li lawa e sijelo ona. jan li wile ala pali e ijo la o kute e ni o pakala ala e wile pi jan ante. mi kepeken ilo anu tomo lon kulupu la o pakala ala e ona.
jan lili li lon #
jan lili li lon la kulupu o pona tawa ona. jan li sike ala e suno lon tenpo pi mute 18 la ona li lili. jan lili ni li ken ala lape lon tomo awen, taso ona li ken kama lon tomo awen tawa moku tawa musi tawa kulupu.
o toki pona #
tenpo kulupu pi toki pona li tawa toki pona. jan li wile toki pona taso la ona o ken ni. ona li wile ala kute e toki ante. jan li ken wile toki ante la ona o tawa tomo ante lon weka pi kulupu pi toki pona.
pakala li kama la seme? #
ijo pakala li kama lon tenpo kulupu la sina ken toki tawa jan ni: sina pilin pona lon ona. o alasa toki pona e ni: seme li kama lon seme tan seme? sina en jan pi pilin pona o tawa jan pali kulupu o toki e ijo ike tawa ona. sina en jan pali o alasa e pini pona. jan pali li ken weka e ijo pi pali ike tan tenpo kulupu, li ken pana sin e mani tawa sina.
kepkeen nimi pakala la mi alasa e ni: ijo ante li awen ala lon nasin kulupu la pakala li kama tawa sina. ijo li sama ni la ona li pakala ala e nasin kulupu: moku li pona ala, tomo lape li ike, ma li seli mute, tawa noka li wile e wawa, kalama mute li lon. taso sina o toki e pilin sina kin lon tenpo kulupu!